Менің атым – Дамир Садыров. Мен Қазақстанда туып-өстім, бұл елде спорт әрқашан өмірдің маңызды бөлігі болды. Менің жекпе-жек өнеріне деген қызығушылығым мектеп кезінен – дзюдодаға қатысудан басталды. Бұл олимпиадалық спорт түрі маған күрестің негіздерін, тепе-теңдікті сезінуді және қарсыласқа деген құрметті үйретті.
20 жасымда мен алғаш рет джиу-джитсу залына бардым – сол сәттен бастап бұл мен үшін жай ғана спорт емес, тұлғаны қалыптастыратын жол екені анық болды. Менің бапкерім – өңіріміздегі жетекші жаттықтырушылардың бірі, мықты маман – Рустам Балабаев болды. Оның жетекшілігімен мен ақ белбеуден қара белбеуге дейінгі жолдан өтіп, джиу-джитсудың техникалық және философиялық қырларын терең меңгердім.
Бұл жол бірнеше жылдарға созылған табанды жаттығулармен, халықаралық сапарлармен, жарыстармен және өзін-өзі дамыту жолымен өрілді. 2017 жылдан бастап мен әртүрлі деңгейдегі жарыстарға белсенді қатысып, жүлделі орындарға ие бола бастадым. Ең ірі жетістіктерімнің қатарына мыналар жатады:
ACBJJ әлем чемпионы (2019) – салмақ дәрежесінде және абсолюттік категорияда алтын медаль,
AJP әлем чемпионы (2019, 2022) – Абу-Дабиде,
UWW, JJIF және ACBJJ әлем чемпионаттарының жүлдегері,
Қазақстанның бірнеше дүркін чемпионы және жүлдегері,
АҚШ-та өткен IBJJF және NAGA турнирлерінің жүлдегері (2024.)
Спорттық мансабыммен қатар, мен төреші ретінде де дамып келемін. JJIF, JJAU, AIGA, IBJJF, AJP және ADCC жүйелері бойынша халықаралық сертификаттар алып, әлемнің ең беделді турнирлерінде төрелік ету құрметіне ие болдым. Атап айтқанда: ересектер және жасөспірімдер арасындағы JJIF әлем чемпионаттары, JJAU Азия ойындары, AIGA құрлықтық және әлем чемпионаттары, Моңғолия, Қырғызстан, Өзбекстан, Сауд Арабиясы және Қазақстан ұлттық чемпионаттары
Төрешілік – бұл тек танылу ғана емес, үлкен жауапкершілік те. Мен финалдық жекпе-жектерге төрелік етуге жиі шақырыламын, жас төрешілерді оқытамын және өңіріміздегі төрешілік мәдениетті дамытуға белсенді атсалысамын.
Менің қызметімде бапкерлік ерекше орын алады. Оқушыларыма – әлем чемпионаттарының жүлдегерлері Ринат Горбачев пен Мариан Урдабаева секілді шәкірттеріме – мақтанамын. Мен үшін тек техниканы үйрету ғана емес, сонымен қатар тәртіп, құрмет және стратегияға негізделген ойлауды да жеткізу маңызды.
Сонымен қатар, мен өзімнің ерекше техникалық комбинацияларымды жасап шығардым. Солардың бірі – қарсыластың қолын құлыптап қорғау жағдайында алдыңғы үшбұрыштан артқы үшбұрышқа өту әдісі – халықаралық жаттықтырушылардың назарын аударып, қазір басқа мектептерде де қолданылып жүр.
Бүгінде менің миссиям – спортшы, бапкер, төреші және жекпе-жек өнерінің өкілі ретінде джиу-джитсуды барлық қырынан дамыту.
Мен тек жарысқа қатысып, жай ғана жаттықтырмаймын – мен елдер, федерациялар және буындар арасын байлансытруға тырысамын.
Джиу-джитсу – мен үшін жай ғана жол емес, бұл – өмірлік мақсат. Мен оны жан-тәніммен жалғастырып, жекпе-жек өнерінің адам мен мәдениетті дамытудағы күші мен мәніне сенемін.
Әлихан Жанарбек
