Алматы қаласында орналасқан нысандардағы тілдік қателерге мониторинг жүргізу үшін Almaty korneki атты телеграм бот құрылды. Оның нақты мақсаты – оңтүстік астанадағы көшелер мен кәсіпкерлік объектілеріндегі (атауы, маңдайшалары) мемлекеттік тілдегі грамматикалық және орфографиялық қателерді анықтау және оған мониторинг жүргізу.
Телеграм ботты кез келген қала тұрғыны қажетті ақпаратпен толықтыра алады. Телеграмға кіріп іздеу жүйесіне Almaty korneki деп жазып немесе https://t.me/social_project_bot деп теріп, ботты таба аласыз.
Қаладағы тілдік ахуалды жақсартуға арналған бұл жұмыстар Алматы қаласы Қоғамдық даму басқармасының «Тілге құрмет – елге құрмет» жобасы аясында іске асып жатыр. Осы жоба аясында «Social project management» орталығы» құрған мониторинг топ мүшелері мегаполистегі мың жарымнан аса нысанға мониторинг жүргізіп, ол ақпарттар бот арқылы өңделеді.
Телеграм боттың осы қызметі арқылы маңдайша мен жарнамалардағы қатенің алдын аламыз және ана тіліміздің мәртебесін көтереміз. Тілге құрмет – елге құрмет, тіліміздің тазалығын сақтап, қолану аясын кеңейту өз қолымызда.
