Білім күнімен тұспа-тұс келген жолдауында Мемлекет басшысы экономикалық даму, мемлекеттік басқару ісін жаңғырту, өнеркәсіпті күшейту, білім мен ғылым, мәдениет, бизнес салаларына айқын тоқталды. Қасым-Жомарт Тоқаев Қазақстан халқына жолдауында күзде кезектен тыс президенттік сайлау өтетінін мәлімдеді. Кейін 20 қараша президенттік сайлау өтеді деп бекітілді.
Сайлауға санаулы күндер қалды. Ел президенттігіне кандидаттардың үгіт-насихат жұмыстары қыза түсті. Қазір жер-жердегі штаб өкілдері сайлаушылармен кездесіп, кандидаттар да ел аралап жүр. Биылғы сайлау бұған дейінгі сайлаудан өзгерек болғалы тұр деп толық айта аламыз. Себебі бұл жолы біздегі сайлаудың ең көзге көрінетін тұсы – сайлаудың өтетіні туралы бір ай бұрын жарияланып, президент жарлыққа қол қойды.Осы қадам демократиялық қоғам құруға жасалған үлкен қадам мен ұмтылыс біздің еліміз үшін өте пайдалы болмақ. Бір айдың ішінде қоғам сайлау өтетінін әбден зерделеп, зерттеп, таразыдан, електен өткізеді. Мемлекет басшысы ретінде кімді көргісі келетінін сараптай алады. Сонымен қатар мемлекет басшысының президенттік мандатқа қатысты қабылдаған шешімі әділетті болды деп есептеймін. «Мемлекет басшысы Президент мандатының ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады», деген болатын.
Кезектен тыс сайлауды өткізу Қазақстанның тұтастығын, әлеуеттік жағдайын арттыруға мүмкіндік беретін елеулі шешім. Сайлау елімізді біріктіруге бағытталған. Бұл сайлау Конституциялық реформалардың қорытындыларын бекітіп, басқа салалардағы реформаларды жалғастыру және нығайту үшін қажетті уақыт пен сенім мандатын береді. Сонымен қатар алдағы реформалар әлеуметтік және экономикалық бағытты қамтитын айтулы оқиға болары анық.Елімізде өтетін айтулы оқиғаны Әл-Фараби атындағы Қазақ Ұлттық университетінің Заң факультеті қылмыстық құқық, қылмыстық іс жүргізу және криминалистика кафедрасының оқытушылары мен студенттері талқылап өтті.Талқылау барысында студенттеріміз өз ойларын еркін түрде жеткізді.Еліміз үшін бірлік ауадай қажет. Алдағы сайлау халықтың жағдайын жақсартуға,өзгертулер енгізуге,ел тұтастығын нығайтуға бағытталған. Бүгінгі әлемде қалыптасқан жағдайды қаперге ала отырып, азаматтарымыз болашақтағы бағытымыз бен нақты жоспарымызды анық түсінуі қажет және алдағы сайлауда белсенді болулары азаматтық борыштары екенін айтып өтті.
Мухамадиева Гүлжан Нүсіпжанқызы Әл-Фараби атындағы ҚазҰУ Заң факультеті қылмыстық құқық, қылмыстық іс жүргізу және криминалистика кафедрасының доценті,з.ғ.к
Жанибеков А.К Әл-Фараби атындағы ҚазҰУ Заң факультеті қылмыстық құқық, қылмыстық іс жүргізу және криминалистика кафедрасының доценті,Phd докторы
Дүзбаева С.Б Әл-Фараби атындағы ҚазҰУ Заң факультеті қылмыстық құқық, қылмыстық іс жүргізу және криминалистика кафедрасының доценті,Phd докторы
Аманулла Олжас
Әл-Фараби атындағы ҚазҰУ Заң факультетінің студенті
